Չինաստանում կլինիկա է բացվել նրանց համար, ովքեր այլևս աշխատելու ուժ չունեն

Չինաստանում բացվել է կլինիկա նրանց համար, ովքեր աշխատանքի համար այլևս էներգիա չունեն: Ի դեպ, հաստատության անվանումը հնչում է ճիշտ այսպես. «Չեմ սիրում աշխատանքի գնալ»: Այս նախագիծը մեկնարկել է գերհոգնածությունից տառապող մարդկանց օգնելու նպատակով:

scmp.com-ի հաղորդմամբ, կլինիկայի ղեկավարությունը խոստանում է, որ վերականգնողական ծրագիրը կօգնի ազատվել անհանգստությունից և նույնիսկ դեպրեսիայից: Թերապիան ներառում է հոգեբանի հետ սեանսներ, մերսում, ֆիզիկական վարժություններ և պատշաճ հանգիստ: Բուժման ընթացքը ընտրում են բժիշկները՝ այցելուի հետազոտությունների հիման վրա: Անհրաժեշտության դեպքում նշանակվում են դեղորայքային բուժումներ:

Կլինիկայի գաղափարը ծնվել է Չինաստանում դպրոցականների համար նմանատիպ ծրագրի բացումից հետո։ Այն նպատակ ունի օգնել երեխաներին հաղթահարել չափազանց սթրեսը և բաց չթողնել մեծանալու կարևոր պահերը։