Նարիկոյի վերջին հացը՝ Արցախից Հայաստան

«Մեկ ռումբ` ամեն երկրորդ վայրկյանին. Նարիկոյի պատերազմը»՝ ԱրցախTV -ի հարցազրույցը։

Նարինե Կարապետյանը Ստեփանակերտից է։ Ավարտել է Երևանի պետական համալսարանը՝ արևելագետ-իրանագետի մասնագիտությամբ։ Վերադարձել է հայրենիք, ամուսնացել։ Երկու երեխաների մայր է։ Նարինեն՝ Նարիկոն, ինչպես նրան սիրում են անվանել հարազատները, նաև տաղանդաշատ լուսանկարիչ է։ Նրա լուսանկարները հոգիներ են գերել ոչ միայն հարազատ Արցախում։ Այսօր Նարիկոն փորձում է իր լուսանկարներով և վկայություններով փոխել աշխարհը՝ պատմելով այն ողբերգության մասին, որ վերապրել է ինքը, իր ընտանիքը, իր ժողովուրդը։