Ինչից է առաջացել Երևանում թիվ 50 երթուղին սպասարկող ավտոբուսի ապակու վրայի վնասվածքը

Նախօրեին ժամը 18:40-18:50-ի սահմաններում Էրեբունի վարչական շրջանում թիվ 50 երթուղին սպասարկող տրանսպորտային միջոցի ապակու վրա նկատվել է վնասվածք։ Վարորդը, հասնելով վերջնակետին, ահազանգել է Ոստիկանություն` ենթադրյալ հանցագործության մասին հաղորդում տալու։ Երևանի ավտոբուս ՓԲԸ-ի մամուլի խոսնակ Գեղամ Ասատրյանը հայտնում է, որ տուժածներ չկան։

«Վնասվածքի` հավանական արձակված կրակոցից, թե այլ պատճառներով ստացված լինելու վերաբերյալ մնացյալ մանրամասները խնդրում եմ ստանալ ՀՀ ՆԳՆ մեր գործընկերներից»,- նշել է Ասատրյանը։