Միքայել Աջապահյանը շարունակում է մնալ ազատության մեջ՝ ի տարբերություն մեզ. Գեղամ Մանուկյան

«Շատ քաղաքական դատեր են եղել, բայց այն ինչը, որ սրբազանների հետ է կատարվում՝ իրավական, քաղաքականից այն կողմ։ Կա ևս մեկը՝ ահավորը, այն մեր համազգային ամոթն է։ 1937 թվականից հետո մենք քաղաքական պատճառներով ճաղերի հետևում չենք տեսել սրբազանների»,-Երևանի առաջին ատյանի ընդհանուր իրավասության քրեական դատարանի դիմաց ասաց ԱԺ «Հայաստան» խմբակցության պատգամավոր Գեղամ Մանուկյանը։

Նա նշեց, որ նախորդ դատական նիստում լսելով Միքայել արքեպիսկոպոս Աջապահյանի խոսքը, հասկացել է, որ նա շարունակում է մնալ ազատության մեջ, ի տարբերություն բանտից դուրս գտնվող բոլորի, որոնք իրոք այսօր բանտարկված են։