«Վեոլիա ջուր» ընկերության պարզաբանումը՝ Ձորաղբյուր գյուղի բնակիչների բողոքի հետ կապված

«Վեոլիա ջուրը» պարզաբանում է տարածել Ձորաղբյուր գյուղի հետ կապված խնդրի առնչությամբ։

Հիշեցնենք՝ այսօր Ձորաղբյուրի բնակիչները բողոքի ակցիա էին արել՝ բողոքելով ջրամատակարարման վատ որակից։

«Ի պատասխան այսօր մամուլում Կոտայքի մարզի Ձորաղբյուր գյուղի ջրամատակարարման հետ կապված հրապարակումների` տեղեկացնում ենք, որ գյուղը ներառված չէ ՀՀ հանրային ծառայությունները կարգավորող հանձնաժողովի 09.12.2016թ. N 397Ա որոշմամբ Ընկերությանը տրված Լիցենզիայի սպասարկվող բնակավայրերի ցանկում։ Հետևաբար` Ձորաղբյուրը ընկերության կողմից չի սպասարկվում»,- հայտարարել է «Վեոլիա ջուր» ընկերությունը։