Թուրքիայի լողափերում ռուս զբոսաշրջիկների վրա տարօրինակ վիրուս է հարձակվել

Ռուս զբոսաշրջիկները բողոքել են տարօրինակ վիրուսից, որով վարակվել են Թուրքիայի լողափերում: Այս մասին հաղորդում է Life-ը՝ հղում անելով SHOT Telegram ալիքին:

Ըստ ալիքի՝ տուժածները բողոքում են ծովում լողալուց հետո առողջական վիճակի կտրուկ վատթարացումից: Հիվանդները փսխում են, թույլ են և ունեն 38 աստիճանից բարձր ջերմություն: Տուժածներից մեկը՝ ամուսնու հետ միասին, հոսպիտալացվել է սուր թունավորման ախտանիշներով:

SHOT-ը նշել է, որ Ալանիայի մասնավոր կլինիկաներում նկատվում է նմանատիպ ախտանիշներով զբոսաշրջիկների հոսք: Թունավորումներ են գրանցվել նաև Բելեկում: Մասնավորապես, Selectum Noa Belek հյուրանոցում մի ընտանիք ստիպված է եղել շտապ օգնություն խնդրել անդադար փսխումների պատճառով: Հրատարակությունը նշում է, որ ևս մի քանի ռուս ընտանիքներ աղիքային վարակ են տարել տուն:

Հուլիսի վերջին թուրք բժիշկները զբոսաշրջիկներին զգուշացրել են վտանգավոր Vibrio մանրէով վարակվելու վտանգի մասին, որը կարող է վտանգավոր հիվանդություններ առաջացնել, այդ թվում՝ խոլերա: Vibrio parahaemolyticus և Vibrio vulnificus մանրէների ԴՆԹ-ն, ըստ տեղեկությունների, հայտնաբերվել է Մարմարա, Եգեյան և Միջերկրական ծովերի ափերին:

Բժիշկների խոսքով՝ այս մանրէները բազմանում են տաք աղաջրում, և դրանցից մեկը՝ Vibrio cholerae-ն, կարող է խոլերա առաջացնել՝ ուղեկցվող ծանր լուծով և ջրազրկմամբ։

Ավելի ուշ ՌԴ տուրիստական կազմակերպությունները ՏԱՍՍ-ին հայտնել են, թե իրենց ծառայություններից օգտվողներից նման ահազանգեր չեն ստացել։