Հայտնի է Հայաստան-Պորտուգալիա հանդիպումը սպասարկող մրցավարական անձնակազմը

Հայաստան-Պորտուգալիա հանդիպումը կսպասարկի անգլիական մրցավարական անձնակազմը։ Այս մասին հայտնում է ՈւԵՖԱ-ի պաշտոնական կայքը։

2026 թվականի Աշխարհի առաջնության եվրոպական գոտու որակավորման փուլի F խմբի առաջին տուրում մեր թիմի խաղի գլխավոր մրցավար է նշանակվել Էնթոնի Թեյլորը, մրցավարի օգնականներ՝ Գարի Բեսվիկը և Ադամ Նանը։ Չորրորդ պաշտոնյան կլինի Ռոբերտ Ջոնսը, իսկ VAR-ի պատասխանատուներ՝ Փիթեր Բանքեսը և Ստյուարտ Աթվելը։

Հիշեցնենք, որ Էնթոնի Թեյլորի գլխավորած մրցավարական պատվիրակությունը այս տարվա մարտին սպասարկել էր Ազգերի լիգայի անցումային փլեյ-օֆֆի Վրաստան-Հայաստան պատասխան հանդիպումը (6։1), որը կայացել է Թբիլիսիում։

Հայաստան – Պորտուգալիա հանդիպումը կկայանա սեպտեմբերի 6-ին, ժամը 20։00-ն Վազգեն Սարգսյանի անվան «Հանրապետական» մարզադաշտում։