Վրաստանի իշխանությունները ԵԱՀԿ/ԺՀՄԻԳ-ին ուղարկել են հոկտեմբերի 4-ի ընտրություններին մասնակցելու հրավեր-նամակ

Վրաստանի կառավարությունն ուղարկել է հրավերի նամակ՝ կապված հոկտեմբերի 4-ի տեղական ինքնակառավարման ընտրությունների դիտարկման համար ԵԱՀԿ/ԺՀՄԻԳ դիտորդական առաքելության հրավերով։ 1tv.ge-ի հաղորդմամբ, այս մասին հայտնել է Վրաստանի վարչապետ Իրակլի Կոբախիձեն մամուլի ասուլիսի ժամանակ։

Կոբախիձեն հույս է հայտնել, որ  ԵԱՀԿ/ԺՀՄԻԳ դիտորդական առաքելությունը չի հրաժարվի հոկտեմբերի 4-ի ընտրությունների դիտարկումից։

«Վերջին մի քանի շաբաթների ընթացքում մենք բազմիցս նշել ենք, որ անմիջապես կհրավիրենք ԵԱՀԿ/ԺՀՄԻԳ առաքելությունը, եթե ռադիկալ ընդդիմությունն ու նրանց օտարերկրյա հովանավորները գոնե այժմ դրսևորեն հարգանք ԵԱՀԿ/ԺՀՄԻԳ-ի կողմից 2024 թվականի խորհրդարանական ընտրությունների վերաբերյալ հրապարակված զեկույցի նկատմամբ։

Բոլորը հիշում են, որ այդ զեկույցի պատճառով ԵԱՀԿ/ԺՀՄԻԳ դարձել էր բազմիցս ռադիկալ ընդդիմության ու նրանց օտարերկրյա հովանավորների հարձակումների թիրախ։ Նշյալ զեկույցի նկատմամբ անհարգալից վերաբերմունք են արտահայտել նաև եվրոպացի և ամերիկացի նախկին բյուրոկրատներ։

Հույս ենք հայտնում, որ բազմակի վիրավորանքների և ճնշման պայմաններում էլ ԵԱՀԿ/ԺՀՄԻԳ չի հրաժարվի դիտորդական առաքելություն ուղարկել Վրաստան։ Վրաստանի կառավարությունն ընդգծում է իր լիակատար պատրաստակամությունը՝ ըստ ավանդույթի, ապահովել բոլոր պայմանները ԵԱՀԿ/ԺՀՄԻԳ առաքելության՝ ընտրություններին լիարժեք դիտարկման համար», – հայտարարել է Կոբախիձեն։