Դիակներ անարգողներն ակնկալում են ներողություն. Սոֆյա Հովսեփյանն Արսեն Թորոսյանից ներողություն խնդրելու մասին

«Դիակներ անարգողներն ակնկալում են ներողություն: Մի կյանք էլ ապրեմ, միևնույմ է սրբապիղծ եմ համարելու դիակ անարգողին, այն էլ զինվորի դիակ: Ստատուսախեղդ արեք համացանցն ու համարեք, որ դատարանը արդար որոշում է կայացրել, բայց ...»,-գրել է ԱԺ նախկին պատգամավոր Սոֆյա Հովսեփյանը՝ արփագանքելով դատարանի այն որոշմանը, որ պետք է ներողություն խնդրի ՔՊ-ական նախկին պատգամավոր, այժմ աշխատանքի և սոցիալական հարցերի նախարար Արսեն Թորոսյանից։

Հիշեցնենք, որ այսօր ՔՊ-ականը հայտնել էր՝ դատարանը պարտավորեցրել է Սոֆիա Հովսեփյանին ներողություն խնդրել` տեղադրելով հետևյալ հայտարարությունը:

«Ես՝ Սոֆիա Հովսեփյանս, ներողություն եմ խնդրում Արսեն Թորոսյանից։ 04.08.2023 թվականին ես Ֆեյսբուք սոցիալական կայքի իմ անձնական էջում կատարել եմ հրապարակում պարոն Թորոսյանի վերաբերյալ: Հայտնում եմ, որ հրապարակումն իր մեջ պարունակում է վիրավորական արտահայտություններ Արսեն Թորոսյանի վերաբերյալ, ինչի համար ներողություն եմ խնդրում պարոն Թորոսյանից»։

Հիշեցնենք, որ դատարան դիմելու համար Արսեն Թորոսյանի համար հիմք էր դարձել Ս. Հովսեփյանի հետևյալ գրառումը.

 «Էն, որ մարդ ժամանակ չունի գրի տո աննամուսնեեեր...
Ուրեմն արսեն թորոսյանի նման սրբապիղծը, ով չվարանեց անգամ զինվորի դիակի վրա գումար դարսեց, պիտի լինի ազատության մեջ ու հետն էլ մանդատով, բայց Սերգեյ Սմբատյանը, որը մեղադրվում է ինչ֊որ գույքի ապօրինի յուրացման մեջ, հլը դեռ հարց է, կամ եթե անգամ իրական է, պիտի կալանավորվի։ հետ բռնագանձեիք, բա ամենակարող դատախազ ունեք։
Հա, բոլորն օրենքի առաջ հավասար են, բա ուրաաա։
Էդ մարդը գոնե իրենով արժեքավոր էր, երկիր էր ներկայացնում, բա էդ էժան գողերը, որ լցվել են ԱԺ ու մենակ իրենց անձնական տալ ու առնելիքների մեջ են, ինչո՞ւ չեն կալանավորվում։
Հեեե՜յ, գլխավոր դատախազ, ո՞նց է լինում, որ քպ֊ի շների արածները չես տեսնում։ Տեղդ հարմար է՞...
Երկու օր առաջ դրամահավաք են արել 52 միլիոն, էդ հարցով էլ ասելիք չունե՞ս, էդ ո՞նց, էդ որտեղի՞ց, ինչի՞ դիմաց, էդ տվողների մեծ մասը վաղը Երևանը կհոշոտեն տուն կտանեն, բա հիմա չե՞ս ուզում կանխել, թե՞ քեզ նշանակել են, որ նախկինների յուրացրացը վերցնես ու տաս քպ֊ին յուրացնելու։
Լավ, էլ ոլորտ կա՞, որ մի ճռտ բարոյականություն մնացած լինի՞...
Հետաքրքիր է, թե որդի Սմբատյանը էս վերջերս ո՞ւմ ոտքն է տրորել, մի տեսակ շատ մտերիմ էր կառավարության աշխատակազմի հետ...»։