«Քըլըչը Հայաստան է եկել թուրքական նախապայմանների բավարարման համար. ոչ nւրաgմանը». Ակցիա՝ կառավարության դիմաց

ՀՅԴ Հայաստանի Երիտասարդական միության անդամներն ակցիա են իրականացնում կառավարության դիմաց՝ հայկական և թուրքական կողմից բանակցողներին հայտնելու իրենց անհամաձայնությունը թուրքական նախապայմանների բավարարմանը: 

Հիշեցնենք, որ այսօր Հայաստան է ժամանել Հայաստան-Թուրքիա կարգավորման գործընթացում Թուրքիայի հատուկ ներկայացուցիչ Սերդար Քըլըչը։

«Այսօր Հայաստան է ժամանել  Թուրքիայի հատուկ ներկայացուցիչ Սերդար Քըլըչը՝ Հայաստան-Թուրքիան միջպետական ճանապարհների կարգավորման անվան տակ, սակայն  բոլորս հասկանում ենք, որ այս հանդիպումը թուրքական կողմից նախապայմանները բավարարելու համատեքստում է։

Դրա վառ ապացույցն է  Հայաստանի կառավարության կողմից այցի ժամանակացույցն ու օրակարգը գաղտնի  պահելը։ Մենք դեմ ենք այս ուրացման քաղաքականությանը։ Թուրքիայի քաղաքականությունը 110 տարի առաջ և հիմա չի փոխվել։ Թուրքիա պատրաստ չէ Հայաստանի հետ երկխոսության՝ առանց  նախապայմանների։  Թուրքիան ուղղակի մասնակիցն է Հայաստանի և Արցախի դեմ տեղի ունեցած ագրեսիայի։ Հայոց ցեղասպանության զոհերի հիշատակը սակարկման ենթակա չէ։ Հայաստանում կա սերունդ, որը պահանջում է Ցեղասպանության ճանաչում և հատուցում։

Ուստի հայտարարում ենք՝ այս իշխանությունների հետ ձեռք բերված յուքանաչյուր պայմանավորվածություն առ ոչինչ է »,- հայտարարեց երիտասարդներից մեկը։ Այնուհետև բոլորը սկսեցին վանկարկել «ոչ ուրացմանը»։