Ամենից շատ կարդացված նյութեր
.jpg "Թբիլիսիում բողոքի ակցիաներ են")
Թբիլիսիում ընդդիմադիր կուսակցությունների անդամները, նրանց կողմնակիցները և քաղաքացիական ակտիվիստները դուրս են եկել կառավարության դեմ հերթական հանրահավաքին։ Այս մասին հաղորդում է ՏԱՍՍ-ի թղթակիցը։
Ցուցարարները սկզբում հավաքվել են Իվանե Ջավախիշվիլիի անվան Թբիլիսիի պետական համալսարանի առաջին մասնաշենքի բակում՝ Ճավճավաձե պողոտայում, ապա երթով անցել են Մելիքիշվիլի պողոտայով։ Այնտեղ նրանք կանգ են առել Թբիլիսիի քաղաքապետ Կախա Կալաձեի ընտրական շտաբի մոտ։Հիշեցնենք, որ նա կրկին կառաջադրվի քաղաքապետի թեկնածու հոկտեմբերի 4-ին կայանալիք քաղաքային ընտրություններում։
Մելիքիշվիլի պողոտայից հետո ցուցարարներն իջել են Ռուսթավելի պողոտա և կանգ առել Վրաստանի խորհրդարանի շենքի մոտ։ Նրանք ձեռքերում պահում են Վրաստանի, ԵՄ-ի և ԱՄՆ-ի դրոշները։ Նրանց հիմնական պահանջը դեռևս կառավարության հրաժարականն է։ Ցուցարարները կարծում են, որ գործող իշխանությունները հեռացնում են հանրապետությունը ԵՄ-ից։
Վրացական ԶԼՄ-ները նշում են, որ հանրահավաքի կարգախոսն է՝ «Ո՛չ ռուսական ռեժիմին», «Պաշտպանե՛ք անվիզա ռեժիմը»։ Մասնակիցները ձեռքերում պահում են տարբեր թեմաներով պաստառներ, ինչպես նաև Վրաստանի և Եվրամիության դրոշներ։
Studio One