Ամենից շատ կարդացված նյութեր
.jpg "Հույս ունեմ, որ հարցը, որը կապված է ՀԷՑ-ի անորոշությունների հետ, արագ կլուծվի. Մարտին Գալստյան")
Հույս ունեմ, որ հարցը, որը կապված է ՀԷՑ-ի անորոշությունների հետ, արագ կլուծվի. Մարտին Գալստյան
«Հույս ունեմ, որ հարցը, որը կապված է ՀԷՑ-ի անորոշությունների հետ, արագ կլուծվի, որի արդյունքում մեր վարկանիշի նվազումը կկրի կարճաժամկետ բնույթ»,-հրավիրված ասուլիսում ասաց ԿԲ նախագահ Մարտին Գալստյանը։
Նման պատասխան նա հնչեցրեց լրագորղի դիտարկմանը, որ «Մոդիս»-ը իջեցրել է ՀՀ վարկանիշը ՀԷՑ-ի հետ կապված, ավելացնելով նաև բացասական կանխատեսումները։
Գալստյանը գտնում է, որ այն երկարաժամկետ ազդեցություն չի կարող ունենալ, առավել ևս՝ Հայաստանի ֆինանսական կայունության վրա
ԿԲ նախագահը նշեց, որ ՀՀ կառավարության՝ ՀԷՑ-ի մասով Արբիտրաժային դատարանի որոշումը չկատարելու հարցը ԿԲ լիազորություններից դուրս է և չպատասխանեց լրագրողին։
Անդրադառնալով ՀՀ տնտեսության վրա անշարժ գույքի շուկայի ներկայիս վիճակի հնարավոր ազդեցության մասին հարցին՝ Գալստյանն ասաց. «Մենք վերջին 4 հաշվետվությունների մեջ անընդհատ խոսել ենք անշարժ գույքի գների անկման ռիսկի մասին։ Բայց մենք տեսնում ենք, որ գների անկումը չափավոր է և ընթանում է կանխատեսելի հետագծով, որի համար հավելյալ ռիսկեր այս պահի դրությամբ չենք տեսնում որովհետև տնտեսական ակտիվության որոշակի արագացում ունենք»։
Նա նշեց, որ դժվար է կանխատեսել երկու տարի հետո անշարժ գույքի շուկան։
Studio One