Ամենից շատ կարդացված նյութեր
.jpg "Ալիևը Թրամփին շնորհակալություն է հայտնել՝ հրապարակելով իր ու Փաշինյանի լուսանկարը")
Ալիևը Թրամփին շնորհակալություն է հայտնել՝ հրապարակելով իր ու Փաշինյանի լուսանկարը
Ադրբեջանի նախագահ Իլհամ Ալիևը, ի պատասխան ԱՄՆ նախագահ Դոնալդ Թրամփի գրառման, շնորհակալություն է հայտնել նրան։ X-ի միկրոբլոգում հրապարակած հողարդագրությանը նա կցել է իր ու Նիկոլ Փաշինյանի լուսանկարը։
Հիշեցնենք, որ երեկ ԱՄՆ նախագահը սոցիալական ցանցի իր էջում գրել էր.
«Ինձ համար մեծ պատիվ է օգնել Ադրբեջանի և Հայաստանի միջև պատերազմի լուծմանը և, միևնույն ժամանակ, մտերմանալ այդ երկու մեծ առաջնորդների և մարդկանց՝ նախագահ Իլհամ Ալիևի և վարչապետ Նիկոլ Փաշինյանի հետ։ Դա հավերժական բարեկամություն կլինի ինձ, բայց ավելի կարևորը՝ Ամերիկայի Միացյալ Նահանգների համար»։
Տեքստին կից նա հրապարակել էր իր, Փաշինյանի ու Ալիևի լուսանկարը, որն արվել է օգոստոսի 8-ին Վաշինգտոնում։
Քիչ առաջ այս գրառմանն արձագանքել է Ադրբեջանի նախագահը.
«Շնորհակալություն, նախագահ Դոնալդ Թրամփ, Ձեր բարի խոսքերի համար։ Ես խորապես գնահատում եմ ձեր կարևոր դերը Ադրբեջանի և Հայաստանի միջև խաղաղության գործընթացի առաջխաղացման և Վաշինգտոնի պատմական գագաթնաժողովը հյուրընկալելու գործում։
Դուք Ադրբեջանի և Միացյալ Նահանգների միջև հավերժական բարեկամության և ձևավորվող ռազմավարական գործընկերության ճարտարապետն եք։ Ես մեծապես գնահատում եմ մեր բարեկամությունը»։
Studio One