Ամենից շատ կարդացված նյութեր
.jpg "Իրավապահ համակարգի որոշ կառույցներում աշխատակիցներին չի վճարվում արձակուրդայինը. Ահազանգ")
Իրավապահ համակարգի որոշ կառույցներում աշխատակիցներին չի վճարվում արձակուրդայինը. Ահազանգ
Իրավապահ համակարգի որոշ կառույցներում աշխատակիցներին չի վճարվում արձակուրդայինը։ Նման ահազանգ է ստացել «Փաստինֆո»-ն։ Աշխատակիցները նշել են՝ չվճարելու պատճառաբանությունն այն է, որ բյուջեում գումար չկա։
Ահազանգի հետքերով «Փաստինֆո»-ն դիմել է Քննչական կոմիտեին և Արդարադատության նախարարությանը։ Երկու հիմնարկներից էլ վստահեցրել են, որ գումարի խնդիր չկա և փոխանցումները կատարվում են։
ՀՀ աշխատանքային օրենսգրքի 158-րդ հոդվածի 1-ին կետի համաձայն՝ ամենամյա արձակուրդը աշխատանքային օրերով հաշվարկվող ժամանակահատված է, որը տրամադրվում է աշխատողին հանգստանալու և աշխատունակությունը վերականգնելու համար։ Այդ ընթացքում պահպանվում է նրա աշխատատեղը (պաշտոնը) և վճարվում է միջին աշխատավարձը։
«Փաստինֆո»-ին ահազանգած քաղաքացիները, սակայն, պնդում են, որ նման խնդրի բախվել են։ Սա նշանակում է, որ կամ վերևներում տեղյակ չեն ներքին օղակներում ստեղծված իրավիճակից, որոնք հնարավոր է չարաշահում են վստահությունը, կամ էլ իրականությունն է թաքցվում։
Studio One