Ադրբեջանցի գործարարի նախկին թիկնապահը Ավրահամ Ռուսոյի դեմ մահափորձի գործով դատապարտվել է 14,5 տարվա ազատազրկման

Մոսկվայի կայազորային ռազմական դատարանը Թելման Իսմայիլովի նախկին անվտանգության աշխատակից Թարխան Էլդուկաևին, որը մեղադրվում է երգիչ Ավրահամ Ռուսոյի դեմ 2006 թվականին կատարված մահափորձի և Գուրշումով գործարարների սպանության փորձին օժանդակելու մեջ, դատապարտել է 14,5 տարվա ազատազրկման ընդհանուր ռեժիմի գաղութում: Այս մասին ՏԱՍՍ-ին հայտնել են իրավապահ մարմինները:

«Դատարանը Թարխան Էլդուկաևին դատապարտել է 14,5 տարվա ազատազրկման ընդհանուր ռեժիմի գաղութում, քրեական գործը վերաորակել է ՌԴ Քրեական օրենսգրքի 102-րդ հոդվածով և մասամբ բավարարել Գուրշումովի քաղաքացիական հայցը՝ 2,5 միլիոն ռուբլու չափով», -ասել է գործակալության աղբյուրը:

Մեղադրողը Էլդուկաևի համար պահանջել է 15 տարվա ազատազրկում:

Փաստաբան Ռուսլան Զակալյուժնին ՏԱՍՍ-ին ասել է, որ Էլդուկաևի դատավճիռը չափազանց խիստ և անարդար է: «Մենք կբողոքարկենք: Հաշվի չեն առնվել էական անձնական հանգամանքները և իրադարձությունների ժամանակը, որոնք զգալիորեն նվազեցնում են հասարակական վտանգը»: Փաստաբանը նշեց, որ իր պաշտպանյալը Ռուսոյի հետ կապված միջադեպի գործով լիովին արդարացվել է, իսկ Ռուսոյի հայցը մերժվել է։