Անգլիայի Սուինդոն քաղաքի արդյունաբերական գոտում հզոր պայթյուն է որոտացել

Անգլիայի Սուինդոն քաղաքի արդյունաբերական թաղամասում պայթյուն է տեղի ունեցել։ Այդ մասին հաղորդում է Sky News-ը։

«Արտակարգ իրավիճակների ծառայությունները աշխատում են Ուիլթշիրում արդյունաբերական թաղամասի պահեստում տեղի ունեցած հզոր պայթյունից հետո տեղի ունեցած լուրջ միջադեպի վայրում։ Ոստիկանությունը հայտնել է, որ աշխատում է մոտակա տարածքները տարհանելու ուղղությամբ», -հաղորդել է հեռուստաալիքը։

Ոստիկանությունը և շտապօգնության աշխատակիցները կանչվել են Գրաունդվելի արդյունաբերական գոտի չորեքշաբթի օրը՝ մոտավորապես ժամը 19:30-ին: Ժամանել են նաև առնվազն տասը հրշեջ մեքենա և այլ արտակարգ իրավիճակների մեքենաներ:

Արդյունաբերական գոտու մոտ ապրող բնակիչներին կոչ է արվել փակել պատուհանները և անվտանգության նկատառումներից ելնելով չմոտենալ դեպքի վայրին։

Ականատեսները հայտնել են, որ պայթյունի պահին իրենց տներում զգացել են դղրդոց։