Շորթում, խարդախություն և ահաբեկչության նյութական աջակցություն․ կհետաքննվի Սորոսի հիմնադրամի գործունեությունը

ԱՄՆ Արդարադատության նախարարությունը մի քանի շրջանների դաշնային դատախազներին հանձնարարել է Ջորջ Սորոսի «Բաց հասարակության հիմնադրամներ» կազմակերպության հետաքննության ծրագրեր պատրաստել։ ՌԻԱ Նովոստիի փոխանցմամբ՝ այս մասին  հաղորդում է «Նյու Յորք Թայմս»-ը։

Ըստ թերթի՝ հրամանը պարունակում է հրահանգներ՝ քննարկելու հնարավոր մեղադրանքների լայն շրջանակ, այդ թվում՝ շորթում, խարդախություն և ահաբեկչության նյութական աջակցություն։ Փաստաթուղթը ստորագրվել է գլխավոր դատախազի տեղակալ Թոդ Բլանշի գրասենյակի փաստաբանի կողմից և ուղարկվել է Կալիֆոռնիայի, Նյու Յորքի, Վաշինգտոնի, Չիկագոյի, Դետրոյթի և Մերիլենդի շրջանային դատախազներին։

NYT-ը նշում է, որ հրամանը կարող է վկայել գործակալության ղեկավարության պատրաստակամության մասին՝ կատարելու նախագահ Դոնալդ Թրամփի պահանջները, ով նախկինում բացահայտորեն կոչ էր անում քրեական հետապնդման ենթարկել Սորոսին և նրա գործընկերներին: Թերթը հիշեցնում է, որ նախորդ օրը պետության ղեկավարը կրկին մեղադրել էր միլիարդատիրոջը «արմատական ​​բողոքի ցույցերին» աջակցելու մեջ և հայտարարել, որ նա «պետք է լինի ճաղերի ետևում»: