Հենրիխ Մխիթարյանը մոտ մեկ ամիս դուրս չի գա մարզադաշտ

«Ինտերի» կիսապաշտպան Հենրիխ Մխիթարյանը  մեկ ամիս դուրս չի գա խաղադաշտ։  Վերջին խաղում ստացված վնասվածքից  հետո հետազոտությունը ցույց տվեց, որ 36-ամյա ֆուտբոլիստը  ձախ ազդրի կիսաջլային մկանի վնասվածք է ստացել։

sports.ru-ն գրում է, որ Մխիթարյանը, ինչպես սպասվում է, կապաքինվի նոյեմբերի վերջին, բայց քիչ հավանական է, որ պատրաստ լինի նոյեմբերի 23-ին կայանալիք «Միլանի» դեմ դերբիին։

Մխիթարյանը վնասվածք էր ստացել Իտալիայի առաջնության 8-րդ տուրի «Նապոլիի» դեմ խաղում (1:3)՝ փոխարինվելով 32-րդ րոպեին։