ԱՄՆ-ում քահանաներին մեղադրել են երեխաների նկատմամբ սեռական բռնության հարյուրավոր դեպքերի մեջ

Ամերիկյան «Աստծո ասաբլեա» եկեղեցու քահանաներն ու աշխատակիցները 1970-ական թվականներից ի վեր մեղավոր են ճանաչվել սեռական բռնության հարյուրավոր դեպքերի մեջ, այդ թվում՝ երեխաների նկատմամբ։ Այս դեպքերից շատերում եկեղեցու պաշտոնյաները թաքցրել են բռնությունը, որպեսզի պահպանել իրենց պաշտոնները; Այդ մասին հաղորդում է NBC-ն՝ հղում անելով հետաքննությանը։

«NBC-ի հետաքննությունը պարզել է, որ 1970-ական թվականներից ի վեր ««Աստծո ասաբլեա»-ի  եկեղեցիները բազմիցս վերականգնել են սեռական բռնության մեջ մեղադրվող քահանաներին և ակտիվիստ առաջնորդներին՝ վերադարձնելով նրանց ամբիոններ և երիտասարդական խմբեր»,-հաղորդել է հեռուստաալիքը։

Համազգային դատական ​​հայցերի, քրեական գործերի և լրատվական արխիվների որոնման հիման վրա՝ հեռուստաալիքը վերջին 50 տարիների ընթացքում բացահայտել է սեռական բռնության մեջ մեղադրվող մոտ 200 քահանաների, աշխատակիցների և ակտիվիստների։ Ընդհանուր առմամբ, նրանք մեղադրվում են ավելի քան 475 մարդու նկատմամբ բռնության մեջ, որոնց մեծ մասը երեխաներ են եղել։ Ենթադրյալ հանցագործներից 123-ը քահանաներ են եղել։ Հայտնում է «ՌԻԱ Նովոստին»;

Նշվում է, որ մոտ 30 դեպքում եկեղեցու առաջնորդները ենթադրյալ բռնարարներին նշանակել են ղեկավար պաշտոնների՝ նրանց մեղադրանք առաջադրելուց հետո, ինչը նրանց հնարավորություն է տվել կրկին հանցագործություններ կատարել։ Գրեթե 40 այլ դեպքերում եկեղեցական առաջնորդները, ենթադրաբար, թաքցրել կամ անտեսել են բռնության մասին հաղորդումները՝ հաճախ չհաղորդելով ոստիկանությանը կամ ճնշում գործադրելով զոհերի վրա՝ լռելու համար։