Արդարության ու արդարադատության հաղթանակ դժվարանում եմ համարել․ Սողոյան

Դժվարանաում եմ այս ամենը հաղթանակ համարել։Այս մասին լրագրողների հետ զրույցում ասաց Արսեն Ղուկասյանի պաշտպան Տաթև Սողոյանը։

Նշենք, որ այսօր դատարանը 44-օրյա պատերազմում անհետ կորած զինծառայող Սարգիս Ղուկասյանի հորեղբայր Արսեն  Ղուկայասյանի նկատմամբ խափանման միջոցը փոխվեց տնային կալանքով։

Ըստ  փաստաբանի՝ առողջությունը պահպանելու նկատառումներով  կարելի է  հաղթանակ համարել, բայց ոչ երբեք արդարության ու արդարադատության հաղթանակ։

«Դուք տեսաք, որ այս մարդկանց նկատմամբ  մեղադրանքը  ոչ միայն իրավական չի,այլև՝ բարոյական։ Այստեղ հանցանք չկա, որի հիմքով էլ պետք է գնահատեինք, թե կան արդյոք խափանման միջոցի կիրառման հիմքեր, թե՝ ոչ։ Գոնե ուրախ եմ, որ Արսենը հիմա ազատության մեջ է, ու այս   ապօրինությունների, խտրականության, անմարդկային վերաբերմունքի, պրովոկացիաների տարափն այս 2 ժամվա ընթացքում փորձեցինք գոնե ամենաէականները ներկայացնել, որ համ հանրությանը պարզ լինի, թե ինչ է տեղի ունեցել»,- ասաց Ղուկասյանը։

Նա վստահեցրեց, որ հաջորդող դատական նիստերին լինելու է ողջ սխալների, աճպարարությունների, քրեադատավարական բյուրոկրատիայի , ամեն ինչի գնահատականը  կտրվի դատական նիստերի ժամանակ։