Թուրքիայի դատախազությունը Ստամբուլում զբոսաշրջիկների մահը կասկածելի է որակել

Ստամբուլում զբոսաշրջիկների ընտանիքի մահը, հնարավոր է, պայմանավորված է եղել ոչ թե սննդային թունավորմամբ, այլ արտաքին գործոնով՝ սպանությամբ կամ ինքնասպանությամբ։ «ՌԻԱ նովոստի»-ն հայտնում է, որ շաբաթ օրը այդ մասին հաղորդել է «Սաբահ» թերթը։

«Ավելի վաղ «Միլլիեթ» թերթը հաղորդել էր, որ Գերմանիայից արձակուրդի ժամանած մայրը և երկու երեխաները՝ երեք և վեց տարեկան, մահացել են հինգշաբթի և ուրբաթ օրերին, ենթադրաբար սննդային թունավորումից։ Հետաքննություն է ընթանում։

Ըստ «Սաբահ»-ի՝ միդիաների և թուրքական քաղցրավենիքի վաճառողները, ռեստորանի սեփականատերը և ևս մեկ անձ ձերբակալվել են չկանխամտածված սպանության կասկածանքով։ Հարցաքննվել են նաև հյուրանոցի անձնակազմը և խոհարարները։

«Երեխաների մարմինների դիահերձումը ցույց է տվել կապտուկներ ծնկների վրա, հիպերեմիա (արյան հոսքի ավելացում) ստամոքսի լորձաթաղանթում և ստամոքսում տեղայնացված արյունազեղման հետքեր, սակայն պաթոլոգիայի այլ նշաններ չեն հայտնաբերվել», - գրում է թերթը։