Մոսկվացի կինը և նրա փոքրիկ որդին խորհրդավոր կերպով անհետացել են Թուրքիայում

Մոսկվացի կինը և նրա 10-ամյա որդին անհայտ հանգամանքներում անհետացել են Թուրքիա թռչելուց հետո: Այս մասին հաղորդում է SHOT թելեգրամ ալիքը։ Նրանց հարազատներն արդեն ավելի քան մեկ ամիս է, չեն կարողանում գտնել։

SHOT-ի տվյալներով, հոկտեմբերի 17-ի կեսօրին 32-ամյա Դարյա Լուչկինան իր ընտանիքին ասել է, որ գնում է կորպորատիվ միջոցառման և իր հետ տանում է 10-ամյա որդուն։

Երբ հարցրել են, թե ինչո՞ւ է երեխային տանում, կինը պատասխանել է, որ ընկերության բոլոր աշխատակիցները կլինեն իրենց երեխաների հետ։ Դրանից հետո նրանք անհետացել, և նրանց հետ կապ չեն հաստատել։ Հարազատները ավելի ուշ իմացել են, որ կորպորատիվ երեկույթ չի եղել։ Դարիան և Մաքսիմը գնացել են Շերեմետևո օդանավակայան և առանց որևէ մեկին զգուշացնելու մեկնել Ստամբուլ՝ առանց իրենց իրերը վերցնելու։

Բնակարանում հարազատները գտել են անհետ կորած զույգի հեռախոսները և տղայի նոր պլանշետը։ Կամավորների խոսքով, նրանց Թուրքիայում հնարավոր է  դիմավորած լինի անհայտ մի տղամարդ։

Հարազատները պնդում են, որ կինը վերջին ամիսներին շատ ինքնամփոփ և լռակյաց էր։ Դարիան և երեխայի հայրը ամուսնացած չեն եղել և շատ չեն շփվել։ Կինը թուրքական հեռուստասերիալների երկրպագու էր, բայց երբեք չէր եղել այդ երկրում։

Նրա սոցիալական ցանցերի էջում նշված է, որ վերջին անգամ առցանց է եղել մեկ ամիս առաջ։ Հարազատները անհետ կորածների մասին հաղորդում են ներկայացրել ոստիկանություն։