Ուսումնասիրելու բան չկա. Փաշինյանը՝ Մայր Աթոռը դրսից կառավարելու մասին

«Ես ակնկալիք չունեմ, որ Հայ Առաքելական եկեղեցին ունենա ինձ հավատարիմ կաթողիկոս։ Ակնկալիք ունեմ, որ եկեղեցին ունենա Աստծուն հավատարիմ կաթողիկոս։ Եվ դա է այն օրակարգը, որը  հետապնդում եմ, ինչպես բազմիցս ասել եմ, եկեղեցու հավատավոր հետևորդ»,- կառավարության նիստիվ հետո ճեպազրույցում ասաց Նիկոլ Փաշինյանը։ 

Հարցին՝ «ենթադրենք, Կաթողիկոսն, իսկապես զավակ ունի, զավակ ունենալը ձեր ընտրողներին ի՞նչ վնաս է տալիա, ինչո՞վ է  այդ փաստը վնասում», Նիկոլ Փաշինյանն ասաց.  «Օրինակ, վնաս է տալիս այն, որ նման խոցելիությունները որոշ մարդկանց, օրինակ, այդ թվում օտարերկրյա հատուկ ծառայությունները, կարող են հավաքագրել և դրանք ռիսկեր են, որոնք առնչվում են պետական անվտանգության հետ և պետությունը պետք է այդ ռիսկերի նկատմամբ շատ ուշադիր լինի»։

Հարցին՝ Վազգեն եպիսկոպոս Միրզախանյանը խոսել է Մայր Աթոռի արտաքին կառավարման մասին, մոտավորապես ասել է՝ Մայր Աթոռը կառավարվում է դրսից,  արդյո՞ք ուսումնասիրություն արվում է, հանձնարարական եղե՞լ է, ինչպես նշվեց՝ այդ խոցելիությունները օտարերկյա հատուկ ծառայությունները կարող են օգտագործել, Փաշինյանն ասաց. «Ուսումնասիրելու բան չկա, պետք է ուշադիր նայել ու տեսնել այն, ինչ կատարվում է։ Ակնհայտն ինչո՞վ ուսումնասիրես»։