Բրիտանացիներին զգուշացրել են վիրուսի մասին, որն արագորեն տարածվում է երկրով մեկ

Բրիտանացիներին զգուշացրել են զգույշ լինել գրիպի նոր շտամի ախտանիշներից, քանի որ Սուրբ Ծննդից առաջ վիրուսը տարածվում է երկրով մեկ։ Այս մասին գրում է The Mirror պարբերականը։

Առողջապահության ազգային ծառայության ղեկավարները, այդ թվում՝ Բիրմինգհեմի Եղիսաբեթ թագուհու հիվանդանոցի ղեկավարները, հայտարարել են ծայրահեղ դեպքերի մասին։ Մտավախություն կա, որ H3N2 շտամի՝ K ենթախմբի վիրուսը կարող է առաջացնել մինչ օրս գրիպի ամենավատ սեզոններից մեկը։

 Առողջապահության ազգային ծառայության անցած շաբաթ հրապարակած տվյալները ցույց են տվել, որ միջին հաշվով 1717 հիվանդանոցային մահճակալ զբաղված է գրիպով հիվանդների կողմից, նրանցից 69-ը գտնվում են վերակենդանացման բաժանմունքում։  Այս ցուցանիշը 56 տոկոսով ավելի է, քան անցյալ տարի և 10 անգամ ավելի, քան 2023 թվականին։