ՀՀ-ն խաղաղության համաձայնագիրը ստորագրելու համար պայման չունի, Ադրբեջանի դեպքում պարզ չէ՝ ունի՞, թե՞ չունի պայման. Փաշինյան

«Մենք պայման չունենք  խաղաղության համաձայնագիրը ստորագրելու հարցում։ Այդքան էլ պարզ չէ՝ Ադրբեջանն ունի՞ պայման, չունի՞ պայման և այլն»,- Համբուրգում լրագրողների հետ հանդիպման ժամանակ ասել է Նիկոլ Փաշինյանը։

Նա նշել է, որ եթե Հայաստանի ՍԴ-ն որոշի՝ համաձայնագիրը չի համապատասխանում Հայաստանի Սահմանադրությանը,  այդ դեպքում Սահմանադրական փոփոխություններ կնախաձեռնվեն. «Կարծում եմ՝ ձեռք բերված խաղաղությունն այնպիսի արժեք է, որ արժի գնալ և այդ փոփոխությունն անել»։