Արջը ներխուժել է դպրոց և տարել 6-րդ դասարանի մի երեխայի

Հնդկաստանի Ուտտարախանդ նահանգում արջը մտել է դպրոց և փորձել է աշակերտին քարշ տալով դուրս հանել: Այդ մասին հաղորդում է The Star-ը։

«Արջը վեցերորդ դասարանի աշակերտին դասարանից դուրս է քաշել և վազել դեպի մոտակա անտառ», - նշվում է հաղորդագրության մեջ։

Վախեցած ուսուցիչներն ու աշակերտները վազել են գազանի հետևից, որն էլ իր հերթին վախեցրել է վայրի գազանին։ Նա թողել է տղային թփերի մեջ և փախել։ Վեցերորդ դասարանի աշակերտը բազմաթիվ վնասվածքներ է ստացել կենդանու ճանկերից և ատամներից։

Դպրոցի աշխատակիցների խոսքով՝ արջին նկատել են դպրոցում թափառելիս միջադեպից առաջ, և դասարանի բոլոր դռները փակել են, սակայն կենդանին կարողացել է կոտրել դրանցից մեկը։