Սիբիրում 15-ամյա դպրոցականը ծննդաբերել է ավտոբուսի մեջ

Սիբիրում 15-ամյա դպրոցականի մոտ ծննդաբերական ցավեր են սկսկել ավտոբուդի մեջ։ Տեղական լրատվամիջոցներից NGS.ru-ն մանրամասնում է, որ ավտոբուսը Նովոսիբրսկի շրջանի Դովոլնոե գյուղից մեկնում էր Նովոսիբիրսկ քաղաք։

Ծննդաբերող անչափահասին առաջին բուժօգնություն է ցուցաբերել ուղոևրներից մեկը՝ ատամնաբույժ Մայա Սենիսենկոն։  Նա վարորդին խնդրել է շտապ օգնություն կանչել, իսկ ուղևորներից հակաբակտերիալ անձեռնոցիկներ է խնդրել։

«Վարորդի մոտ մաքուր բարձի երես կար, երեխային տեղափոխեցինք դրա մեջ։ Ամեն ինչ այնքան արագ տեղի ունեցավ, որ ես նույնիսկ սեռը չստուգեցի։ Ինձ համար կարևոր էր, որ նա ծնվեր, շնչեր և լաց լիներ», - ասել է կինը։

Շտապ օգնության մեքենան 15-ամյա մայրիկին ու նրա նորածին որդուն տեղափոխել է հիվանդանոց։