ՄՕԿ. Ռուսները կմասնակցեն Օլիմպիական խաղերին որպես չեզոք երկրներ, նույնիսկ հատուկ գործողության ավարտից հետո

Միջազգային օլիմպիական կոմիտեի (ՄՕԿ) նախագահ Քիրստի Քովենթրին հայտարարել է, որ ռուս մարզիկները 2026 թվականի Օլիմպիական խաղերին կմասնակցեն որպես չեզոք մարզիկներ, նույնիսկ եթե ռազմական հատուկ գործողությունն ավարտվի։

Ավելի վաղ ՄՕԿ-ը հրապարակել էր ռուս և բելառուս մարզիկների 2026 թվականի Խաղերին մասնակցելու պայմանները։ Մասնավորապես, մարզիկները կկարողանան Օլիմպիական խաղերին մասնակցել որպես չեզոք մարզիկներ միայն խիստ ընտրության գործընթաց անցնելուց հետո։

«Այս փուլում ոչինչ չի փոխի արդեն կայացված որոշումը՝ չեզոք մարզիկներ, անհատական ​​հիմունքներով», - ասել է Քովենթրին, երբ հարցրել են ռուսների լիարժեք մասնակցության իրավունքի մասին, եթե հատուկ գործողությունն ավարտվի։ Նրա խոսքերը մեջբերում է Ռիա նովոստին՝ հղում անելով «Corriere della Sera»-ին։

Ձմեռային օլիմպիական խաղերը կանցկացվեն Իտալիայի Միլան և Կորտինա դ'Ամպեցո քաղաքներում փետրվարի 6-ից 22-ը։