RT-ն հրապարակել է ԱՄՆ-ի կողմից ռուսական դրոշով լցանավի առգրավման փորձի լուսանկարը

RT-ն հրապարակել է ռուսական դրոշի ներքո նավարկող «Mariner»  նավթատարի առգրավման փորձի լուսանկարները։

Ավելի վաղ Reuters-ը, հղում անելով ԱՄՆ պաշտոնյաներին, հայտնել էր, որ ԱՄՆ-ն փորձում է առգրավել ռուսական դրոշի ներքո նավարկող «Mariner»  նավթատարը՝ Ատլանտյան օվկիանոսով ավելի քան երկու շաբաթ հետապնդելով այն։

«RT-ն ստացել է բռնագրավելու փորձի առաջին բացառիկ տեսողական հաստատումը», - ասվում է լուսանկարներին կից հայտարարության մեջ։

Երեքշաբթի օրը Ռուսաստանի արտաքին գործերի նախարարությունը «ՌԻԱ նովոստի»-ին հայտնել էր, որ Մոսկվան մտահոգությամբ է հետևում ռուսական «Mariner» նավթատարի շուրջ ստեղծված անոմալ իրավիճակի կապակցությամբ, որը Հյուսիսատլանտյան օվկիանոսի միջազգային ջրերում նավարկում էր Ռուսաստանի դրոշի ներքո՝ միջազգային ծովային իրավունքի լիարժեք պահպանմամբ։ Նախարարությունը շեշտել է, որ անհայտ պատճառներով ռուսական նավթատարը ԱՄՆ-ի և ՆԱՏՕ-ի զինվորականների կողմից ավելի մեծ ուշադրության է արժանանում, ինչը ակնհայտորեն անհամարժեք է դրա խաղաղ կարգավիճակին։

«Մոսկվան ակնկալում է, որ արևմտյան երկրները, որոնք հայտարարում են բաց ծովում նավարկության ազատության նկատմամբ իրենց հանձնառության մասին, կսկսեն այս սկզբունքը քննարկելուց»,-հայտարարել է Ռուսաստանի արտաքին գործերի նախարարությունը։