Երևան քաղաքի դպրոցներից մեկի չշահագործվող մուտքի պանելային վերնածածկը փլուզվել է

Հունվարի 21-ին, ժամը 16։52-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Տարոնցի փողոցում գտնվող դպրոցներից մեկի չշահագործվող մուտքի պանելային վերնածածկը փլուզվել է, տուժածներ չկան․ անհրաժեշտ է փրկարարների օգնությունը։ Այս մասին հայտնում են ՆԳՆ փրկարար ծառայությունից։

«Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ

Պարզվել է, որ փլուզվել է դպրոցի չշահագործվող մուտքի պանելային վերնածածկը (մոտ 10 քմ) և բետոնե հենասյուն (մոտ 3 մ) թուլացել են․ առկա է ընկնելու վտանգ։

Փրկարարները սահմանազատել են տարածքը»,- ասվում է հաղորդագրությունում։