Մասնագետը բացատրել է, թե ինչպես է սոցիալական մեդիան իրականում ազդում դեռահասների վրա

Այս մեդալն ունի երկու կողմ։ Սոցիոլոգիական գիտությունների դոկտոր Կոնստանտին Անտիպյևը բացատրել է, թե ինչպես է սոցիալական մեդիան իրականում ազդում դեռահասների վրա։ Նա ասել է, որ այն  կարող է ունենալ ինչպես դրական, այնպես էլ բացասական հետևանքներ։

«Սոցիալական մեդիան ոչ միայն արտացոլում, այլև ամրապնդում է սոցիալական անհավասարությունը՝ ստեղծելով ժողովրդականության վիրտուալ հիերարխիա։ Միևնույն ժամանակ, թվային միջավայրը երկիմաստ է. վնասակար գործելակերպը խթանելու հետ մեկտեղ այն կարող է նաև տարածել դրական վարքագծեր, այդ թվում՝ վեյփինգից հրաժարվելը կամ առողջ ապրելակերպի նկատմամբ հետաքրքրությունը», - ասել է փորձագետը։

Միաժամանակ սոցիոլոգն ընդգծել է, որ չարժե այս թեմայի վերաբերյալ կատեգորիկ եզրակացություններ անել և դեռահասների մոտ բացասական վարքային դրսևորումները վերագրել բացառապես սոցիալական ցանցերի ազդեցությանը։