Կրեմլը Թուրքիային հիշեցրեց միջուկային զենքի չտարածման ռեժիմի մասին

Անկարայի կողմից միջուկային սպառազինությունների մրցավազքի վերաբերյալ հայտարարությունների ֆոնին, Ռուսաստանի նախագահի մամուլի քարտուղար Դմիտրի Պեսկովը վերահաստատեց զենքը չտարածելու ռեժիմը՝ այն անվանելով միջուկային անվտանգության անկյունաքար։

Ավելի վաղ Թուրքիայի արտաքին գործերի նախարար Հաքան Ֆիդանը, մեկնաբանելով Իրանի կողմից միջուկային զենք ձեռք բերելու հնարավորությունը, հայտարարել էր, որ Թուրքիան ստիպված կլինի միանալ միջուկային սպառազինությունների մրցավազքին, եթե տարածաշրջանում որևէ մեկը ձեռք բերի միջուկային զենք։

«Գոյություն ունի չտարածման ռեժիմ, և, իհարկե, դա միջուկային անվտանգության անկյունաքարն է»,-«ՌԻԱ նովոստի»-ի փոխանցմամբ, լրագրողներին ասել է Պեսկովը՝ մեկնաբանելով Թուրքիայի արտաքին գործերի նախարարի հայտարարությունները։