«Ուժեղ Հայաստան» կուսակցության ցուցակի 1-ին համարում հանդես կգա Նարեկ Կարապետյանը

Ուժեղ Հայաստանի ուժեղ վարչապետն է Սամվել Կարապետյանը։ «Ուժեղ Հայաստան» կուսակցության ցուցակի 1-ին համարում հանդես կգա Նարեկ Կարապետյանը՝ անցումային համակարգողի կարգավիճակով։ Այս մասին Հ2-ին տված հարցազրույցում հայտարարել է «Մեր ձևով» շարժման անդամ, սահմանդրական իրավունքի մասնագետ Գոհար Մելոյանը։

Նա նշել է.

«Ներկայանում ենք թափանցիկ, ազնիվ և պրոֆեսիոնալ։

Գալիք 5 տնտեսական քայլերն են՝

1. 300000 նոր աշխատատեղ, մասնավորապես՝ մարզերում: Մեր հայրենակիցներն ապրելու եւ աշխատելու են հայրենիքում։
2.  0 % հարկ՝ փոքր բիզնեսի համար: Վարսավիր, հացթուխ, նկարիչ, ուսուցիչ եւ այլք, արարելու են նպաստավոր պայմաններում եւ զարգացնելու են իրենց գործունեությունը։
3. 20% էժան դեղորայք բոլորի համար: Մեր հայրենակիցները ստիպված չեն լինելու գնալ այլ երկրներ՝ էժան դեղորայք ձեռք բերելու։
4. Բերքի երաշխավորված մթերում գյուղերում:  Գյուղացու մտածմունքն իր բերքի աճեցումն է լինելու։
5. 20000 մատչելի բնակարան պետական աջակցությամբ: Պետությունը նպաստելու է ընտանիքների ձեւավորմանը եւ աջակցելու է նորաստեղծ ընտանիքներին»։