Վատիկանն ԱԲ կօգտագործի Սուրբ Պետրոսի տաճարում պատարագը 60 լեզուներով թարգմանելու համար

Վատիկանն արհեստական ​​բանականության  միջոցով կսկսի պատարագների միաժամանակյա թարգմանությունը 60 լեզուներով։ Եվրանյուզի հաղորդմամբ, ծառայությունը թույլ կտա հավատացյալներին հետևել պատարագներին իրենց սմարթֆոններով և կմեկնարկի հաջորդ շաբաթ՝ Սուրբ Պետրոսի տաճարում կայանալիք գլխավոր տոնակատարությունների ժամանակ, որոնք նվիրված են եկեղեցու օծման 400-ամյակին։

«Սուրբ Պետրոսի տաճարը դարեր շարունակ ընդունել է բոլոր եկած հավատացյալներին։

Օգտագործելով այդ գործիքը, որը շատերին օգնում է հասկանալ պատարագի խոսքերը, մենք ցանկանում ենք ծառայել այն առաքելությանը, որը սահմանում է կաթոլիկ եկեղեցու կենտրոնը, որն իր բնույթով համընդհանուր է»,  - հայտարարության մեջ նշել է կարդինալ Մաուրո Գամբետտին։

Արհեստական ​​բանականությամբ աշխատող թարգմանությունը հիմնված կլինի QR կոդի վրա, որը մասնակիցները կարող են սկանավորել Վատիկանի մուտքերի մոտ։ Այնուհետև նրանք կստանան իրական ժամանակի թարգմանություն՝ աուդիո և տեքստային ձևաչափերով։