Ժաննա Անդրեասյանը հույս հայտնեց, որ կառավարության անդամները գիրք կկարդան

«Այսօր Հովհաննես Թումանյանի ծննդյան օրն է, որն արդեն ավելի քան 15 տարի մեր երկրում նշվու է, որպես գիրք նվիրելու օր»,-այսօր կառավարության հերթական նիստում, որը վարում էր փոխվարչապետ Մհեր Գրիգորյանը, ասաց ԿԳՄՍ նախարար Ժաննա Անդրեասյանը։

Նախարարը հայտնեց, որ օրվա կապակցությամբ ԿԳՄՍ նախարարությունը կառավարության նիստի բոլոր մասնակիցներին գրքեր է փոխանցել, որոնք տարբեր տարիներին հրապարակվել են պետության աջակցությամբ։

Նա հույս հայտնեց, որ կառավարության անդամները գիրք կարդալու ժամանակ կունենան և միմյանց կփոխանցեն կարդացած գրքերը, որովհետև այն նախարարների աշխատանքի և զարգացման կարևոր բաղադրիչ է։

Անդրեասյանը տեղեկացրեց,որ երկու տարի է ինչ 5-րդ և 6-րդ դասարանների համար կազմակերպում են ընթերցանության օլիմպիադա և տարրական դպրոցից սկսած կան ընթերցանության խրախուսման ծրագրեր։

 «Անցյալ տարի Գրքի փառատոնն առաջին անգամ Մայրաքաղաքից բացի կազմակերպվեց մարզերում՝ Կապանում և Գյումրիում և այնպիսի ցուցանիշ, որ 18 հազար գրքի վաճառք ենք ունեցել, որը 33 %-ով ավելի է քան դրա նախորդ տարի։ 40 հազար մասնակիցը, որը 2023 թվականի համեմատ գրեթե կրկնապատկվելէ, ցույց է տալիս ընթերցանության և գրքի նկատմամաբ մեր երկրի հանրության շրջանում մեծանում է»,-ասաց անդրեասյանը և, նշելով, որ այդ քաղաքականությունը պետք է լինի թիրախային, բոլորին շնորհավորեց և մաղթեց հաճելի ընթերցանություն