Օրբանը հայտարարել է Ուկրաինային էլեկտրաէներգիայի մատակարարման հնարավոր դադարեցման մասին

Հունգարիան, Սլովակիային հետևելով, քննարկում է Ուկրաինային էլեկտրաէներգիայի մատակարարումը դադարեցնելու հարցը՝ ի պատասխան «Дружба» խողովակաշարով ռուսական նավթի տարանցման դադարեցման, ինչը կարող է «տհաճ» լինել Կիևի համար։ Ռիա նովոստիի հաղորդմամբ, այս մասին հայտարարել է Հունգարիայի վարչապետ Վիկտոր Օրբանը։

Այսօր ավելի վաղ Սլովակիայի վարչապետ Ռոբերտ Ֆիցոն հայտարարել էր, որ եթե Վլադիմիր Զելենսկին մինչև երկուշաբթի չվերականգնի Սլովակիա նավթի մատակարարումը, այդ դեպքում Ուկրաինային արտակարգ էլեկտրամատակարարումը կդադարեցվի։

«Եվ կա մեկ այլ պահ, որը ես այժմ մանրակրկիտ ուսումնասիրում եմ, քանի որ Ուկրաինայի էլեկտրաէներգիայի մատակարարման զգալի մասը նույնպես գալիս է Հունգարիայից: Հետևաբար, եթե մենք դադարեցնենք այն, կարող են տհաճ բաներ տեղի ունենալ: Ամեն դեպքում, սլովակները քննարկում են դա, և անհրաժեշտության դեպքում մենք կկիրառենք նաև այս երրորդ հակազդեցությունը», - ասել է Օրբանը։

Հունգարիայի վարչապետը հիշեցրել է արդեն իսկ ներդրված երկու հակազդեցության միջոցները՝ Ուկրաինային դիզելային վառելիքի մատակարարման դադարեցումը և Կիևին ԵՄ-ի կողմից տրամադրվող 90 միլիարդ եվրոյի վարկի արգելափակումը։