Պահանջում ենք բարձրացնել թոշակները 50 տոկոսով․ Կամենդատյան

Տնտեսագետ Հրայր Կամենդատյանը գրում է․

«Արժանապատիվ ծերություն

1.Պահանջում ենք բարձրացնել թոշակները 50 տոկոսով

ՊԱՐԵՆԱՄԹԵՐՔ

Ամիսներ շարունակ մեր առաջարկը մերժվում էր իշխանությունների կողմից և միայն մեր և թոշակառուների կողմից ճնշման արդյունքում ,որոշեցին ընդամենը 10 000 դրամով բարձրացնել թոշակները: Դա բավարար չէ:Ներկայացվող աղյուսակը ցույց է տալիս,որ թոշակները չեն բարձրացել:

Ապրանքատեսակ                            2018           2025            աճ/տոկոս

Տավարի միս                                        2800           5200                    85

Կարագ                                                  3500          5800                     65

Արևածաղկի ձեթ                                 550            950                      72

Ձու /տաս հատ/                                    550           850                       60

Ոսպ                                                        600           1100                     83

Պանիր դեղին                                       2200         3800                     80

Սուրճ/ 100 գրամ աղացած/              350              600                     71

Կարտոֆիլ                                            200              370                    85

Գառան միս                                          3000           5500                    90

Եթե թոշակների նվազագույն 36 000 դրամին գումարենք խոստացված 10000 /տաս հազար/ ՀՀ դրամը և հնարավոր հետվճարային 5000 դրամը,ապա հանրագումարը կազմում է 51000 հազար ՀՀ դրամ ,որը վկայում է ,որ թոշակների աճը կկազմի ընդամենը 41 տոկոս:

Սա վկայում է,որ թոշակառուն շարունակելու է թերսնվել և սովամահ լինել:Եթե հիմնական սննդամթերքը թանկացել է 75-90 տոկոսով,թոշակի 40 տոկոսով կամ 10000 ՀՀ դրամով բարձրացումը նկատելի արդյունք չի ապահովելու»։