Ամենից շատ կարդացված նյութեր
.jpg "«Հրապարակ». Աննա Հակոբյանը չի՞ կորցրել Փաշինյանի կադրային քաղաքականության վրա ազդելու լծակները")
«Հրապարակ». Աննա Հակոբյանը չի՞ կորցրել Փաշինյանի կադրային քաղաքականության վրա ազդելու լծակները
«Հրապարակ» թերթը գրում է.
«Նախկին ՀՀԿ-ական, ներկայում Աննա Հակոբյանի ընկերուհի Աննա Դավթյանը, որ նախօրեին տիկնոջ հետ Արմավիրում խնջույքի է մասնակցել և պարելու լուսանկարներ հրապարակել, իր մերձավոր շրջապատում հայտարարել է, որ խորհրդարանական ընտրություններից հետո իրեն են նշանակելու ԿԳՄՍ նախարար։
Դավթյանը ներկայում Երևանի Սամվել Գևորգյանի անվան թիվ 189 ավագ դպրոցի տնօրենն է: Նա Աննա Հակոբյանի «Կրթվելը նորաձև է» արշավի ակտիվ մասնակիցներից է: Նրա պաշտոնավարման ժամանակ էր Սիլվա Կապուտիկյանի անվան թիվ 145 դպրոցում աշխատանքը կորցրել այդ ժամանակ պատմության ուսուցիչ աշխատող լրագրող Կարպիս Փաշոյանը:
Ըստ լուրերի՝ նա տիկնոջ ընկերուհին է դարձել «Իմ քայլը» հիմնադրամի փոխտնօրեն Թալին Թոփալաքյանի հետ մտերմության շնորհիվ, և վերջինս էլ լոբբինգ է անում Դավթյանի հարցում։ Այս ամենը նաև այն մասին է խոսում, որ տիկին Հակոբյանը չի կորցրել Փաշինյանի կադրային քաղաքականության վրա ազդելու լծակները»։
Մանրամասները թերթի այսօրվա համարում
Studio One