«Ուրախ ավտոբուսում» կոկորդիլոսագետ կա՝ թող գնան նայեն. Սեյրան Օհանյանի կինը՝ 50․000 դոլարանոց պայուսակի մասին

«Նախաքննական մարմնին հղում արեք, թող ցույց տա այն փաստերը, որով ապացուցվում են, որ տվյալ գույքը պատկանել է Սեյրան Օհանյանին, հիմա՝ Ռուզաննա Խաչատրյանին»,- այսօր Հակակոռուպցիոն դատարանի շենքի բակում լրագրողներին ասաց ԱԺ «Հայաստան» խմբակցության ղեկավար Սեյրան Օհանյանի կինը՝ Ռուզաննա Խաչատրյանը, որը անցնում է քրեական գործով։

Խաչատրյանը պնդեց՝ թող ցույց տան այն փաստը, որով քննիչը տվյալ գործն ուղարկել է դատարան:

«Եթե ձեզ կտան այդ փաստաթուղթը, ես էլ կիմանամ՝ ինչի մասին է խոսքը»,- հավելեց Խաչատրյանը:

Անդրադառնալով 50.000 դոլարանոց «Հերմես» պայուսակ կրելուն ուղղված քննադատություններին՝ նա պարզաբանեց, որ իր բոլոր պայուսակները, զգեստների մեծ մասը ձեռք է բերվել Երևանից.

«Բոլորն ասում են՝ կոկորդիլոսի կաշվից է: Ինչքան գիտեմ՝ «ուրախ ավտոբուսում» կա կոկորդիլոսի մասնագետ: Կոկորդիլոսագետներով կարող են հավաքվել՝ Մաշտոցի պողոտայի սկզբից մինչև Մատենադարանի վերջն այդպիսի պայուսակներ գոյություն ունեն: Նման է «Հերմեսին», բայց վրան «Հերմես» էլ գրած չէ, ձեւով նման է, ֆինանսական, գեղարվեստական, անտիկ որեւէ նշանակություն չունի»։

Հիշեցնենք, որ դատախազը 2026 թվականի փետրվարի 24-ին հաստատված մեղադրական եզրակացությամբ դատարան է հանձնել ՀՀ պաշտպանության նախկին նախարարի կնոջ՝ Ռ. Խ.-ի, Կ.Մ.-ի և Ռ.Խ.-ի քրոջ աղջկա՝ Ա.Բ.-ի վերաբերյալ քրեական վարույթի նյութերը: Գլխավոր դատախազության ապօրինի ծագում ունեցող գույքի բռնագանձման գործերով վարչությունում ՀՀ պաշտպանության նախկին նախարար Սեյրան Օհանյանին պատկանող գույքերի առնչությամբ իրականացված ուսումնասիրության արդյունքներով՝ նախկին նախարարին պատկանող և ապօրինի ծագում ունեցող գույքեր էին դիտվել նաև նրա կնոջ՝ Ռ.Խ.-ի քրոջ աղջկա՝ Ա.Բ.-ի անվամբ գրանցված՝ Երևան քաղաքի Նալբանդյան փողոցում գտնվող երկու անշարժ գույքերը:Դատախազը 2026 թվականի փետրվարի 24-ին հաստատված մեղադրական եզրակացությամբ դատարան է հանձնել ՀՀ պաշտպանության նախկին նախարարի կնոջ՝ Ռ. Խ.-ի, Կ.Մ.-ի և Ռ.Խ.-ի քրոջ աղջկա՝ Ա.Բ.-ի վերաբերյալ քրեական վարույթի նյութերը