Աջարիայում ձերբակալվել է «հանցավոր աշխարհի» հետ կապված 72 անձ. Վրաստանի ՆԳՆ

Վրաստանի ներքին գործերի նախարարության աշխատակիցները, Պետական ​​անվտանգության ծառայության աշխատակիցների հետ համատեղ, Աջարիայում երեկ երեկոյան իրականացված օպերատիվ-հետախուզական և քննչական միջոցառումների արդյունքում ձերբակալել են «հանցավոր աշխարհի» հետ կապված 72 անձի։ Aliq.ge-ի փոխանցմամբ՝ այս տեղեկությունը Բաթումիում կայացած մամուլի ասուլիսում հայտնել է Վրաստանի ներքին գործերի նախարար Գելա Գելաձեն։

«Ձերբակալվածները մեղադրվում են «հանցավոր աշխարհին անդամակցելու», «հանցավոր աշխարհի գործունեությանն աջակցելու», «հանցավոր հավաքույթի մասնակցելու», «հանցավոր աշխարհի անդամին դիմելու» և «օրենքով գող» համարվելու համար», -ասել է նա:

Հետաքննությունը շարունակվում է Վրաստանի քրեական օրենսգրքի 223-րդ հոդվածի 1-ին և 2-րդ մասերով, 223-րդ հոդվածի 2-րդ մասով և 223-րդ հոդվածի 1-ին մասով, որոնք նախատեսում են մինչև 15 տարի ազատազրկում։