Ավելի շատ «մինուսներ», քան «պլյուսներ». Մոլդովայի խորհրդարանից մեկնաբանել են երկրի՝ ԱՊՀ շուկաներից հրաժարվելու մտադրությունը

Մոլդովան մտադիր է հրաժարվել ԱՊՀ շուկաներից այն ժամանակ, երբ ամբողջ աշխարհը մրցակցում է դրանց համար, հայտարարել է «Այլընտրանք» ընդդիմադիր դաշինքի պատգամավոր Ալեքսանդր Ստոյանոգլոն։

Մոլդովայի արտաքին գործերի նախարարը հունվարի 19-ին հայտարարել էր, որ երկրի արտաքին գործերի նախարարությունը սկսել է Անկախ Պետությունների Համագործակցությունից լիակատար դուրս գալու համար անհրաժեշտ ընթացակարգերը՝ ԱՊՀ-ին անդամակցությունը հաստատող հիմնական համաձայնագրերի, մասնավորապես՝ հիմնադիր համաձայնագրի և դրա հավելվածի, ինչպես նաև ԱՊՀ կանոնադրության չեղարկումից հետո: Նա հայտարարեց, որ եթե երկրի բարձրագույն օրենսդիր մարմինը հաստատի երեք հիմնադիր համաձայնագրերի չեղարկումը, և նախագահը հաստատի դրանք տեխնիկական փուլերն ավարտելուց հետո, Մոլդովան այլևս չի լինի ԱՊՀ-ի մաս:

«ԱՊՀ շուկաները շարունակում են մնալ չափազանց գրավիչ մեր արտադրանքի համար։ Եվրոպայում ոչ ոք չի սպասում մեր արտադրանքին։ Այս շուկաներից հեռանալը սխալ է։ Ամբողջ աշխարհը պայքարում է դրանց համար, իսկ մենք հրաժարվում ենք։ Եվ սա տեղի է ունենում այն ​​ժամանակ, երբ ԵՄ-ին անդամակցության վերջնաժամկետն արդեն տեղափոխվել է 2028 թվականից մինչև 2031 թվականը։ Ինչո՞ւ է շտապում», - Ռիա նովոստիի հաղորդմամբ, գրել է Ստոյանոգլոն իր Telegram ալիքում։

Նրա խոսքով, Մոլդովան իրականում ավելի շատ «մինուսներ» կունենա, քան «պլյուսներ»՝ դուրս գալով ԱՊՀ-ից։