Միջազգային մրցաշարի նախավերջին խաղափուլից առաջ գրոսմայստեր Հայկ Մարտիրոսյանը միանձնյա առաջատար է

Հայ գրոսմայստեր Հայկ Մարտիրոսյանը միանձնյա առաջատար է Ուզբեկստանի մայրաքաղաք Տաշքենդում ընթացող «19th Agzamov Memorial» շախմատի միջազգային մրցաշարի նախավերջին խաղափուլից առաջ:

8-րդ խաղափուլում Հայկը հաղթել է ուզբեկ գրոսմայստեր Աբդիմալիկ Աբդիսալիմովին։

Հայկից կես միավորով հետ են մնում ՖԻԴԵ-ն ներկայացնող գրոսմայստերներ Արտյոմ Ուսկովը ու Նիկիտա Աֆանասևը, ինչպես նաև Ուզբեկստանը ներկայացնող միջազգային վարպետներ Մուհամմադզոխիդ Սույարովը ու Բախրոմ Բախրիլլաևը:

Հայաստանի Շախմատի ֆեդերացիայից հայտնում են, որ 9-րդ խաղափուլը կմեկնարկի այսօր՝ Հայաստանի ժամանակով 14:00-ին: