Ամենից շատ կարդացված նյութեր
.jpg "Բաքուն դիվանագիտական աղմուկ է բարձրացնում Մոսկվայում Ղարաբաղի թեման քննարկելու համար")
Բաքուն դիվանագիտական աղմուկ է բարձրացնում Մոսկվայում Ղարաբաղի թեման քննարկելու համար
Ադրբեջանի արտաքին գործերի նախարարությունը մեկնաբանել է Ռուսաստանի կողմից ապրիլի 1-ին Մոսկվայում Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի հանդիպման ժամանակ ինչպես նաև այլ ռուս պաշտոնյաների կողմից Ղարաբաղի վերաբերյալ արված վերջին հայտարարությունները։
Ադրբեջանի ԱԳՆ-ն հայտարարել է, թե մոսկովյան հանդիպմանը քննարկվել են «բացառապես Ադրբեջանի ներքին գործերին վերաբերող հարցեր»։
«Ղարաբաղը քաղաքական շահարկումների համար օգտագործելու անթույլատրելիության վերաբերյալ մեր դիրքորոշումը, ինչպես նաև նման գործողությունների դադարեցման մեր ակնկալիքները, դիվանագիտական ուղիներով փոխանցվել են Ռուսաստանի Դաշնության նախագահի վարչակազմին, կառավարությանը և Արտաքին գործերի նախարարությանը։ Դրան հակառակ, այս թեման շարունակում է մնալ ռուսական կողմի պաշտոնական քաղաքական դիսկուրսում...»,- ասվում է տեքստում։
Ադրբեջանի արտաքին գործերի նախարարությունը կրկին հիշեցնում է ռուսական կողմին, որ «ոչ մի երկիր, այդ թվում՝ Ռուսաստանի Դաշնությունը, երբեք կասկածի տակ չի դրել Ադրբեջանի տարածքային ամբողջականությունը»։
Studio One