Իրանի ԱԳՆ-ն ԱՄՆ-ին մեղադրել է ուրան գողանալու փորձի մեջ

Իրանը կարծում է, որ իր օդաչուներին փրկելու ԱՄՆ գործողությունը կարող էր իրանականում լինել ուրանի գողության փորձի քողարկում, որը ձախողվեց։ Այդ մասին ասել է Իրանի արտաքին գործերի նախարարության խոսնակ Իսմայիլ Բաղային։

«Չի կարելի անտեսել այն հավանականությունը, որ սա կարող էր լինել հարստացված ուրան գողանալու խաբեություն։ Մեկ բան բացարձակապես պարզ է. այս գործողության արդյունքը ոչ այլ ինչ էր, քան «երկրորդ Թաբասը»,-«ՌԻԱ նովոստի»-ի փոխանցմամբ, ասել է Բաղային, որի ելույթից մի հատված ցուցադրել է իրանական SNN հեռուստաալիքը։

Իր ելույթում Իրանի արտաքին գործերի նախարարության խոսնակը անդրադարձել է ձախողված «Արծվի ճանկ» գործողությանը, որը Իրանում հայտնի է որպես «Թաբաս» գործողություն։ Այն իրականացվել է ԱՄՆ բանակի հատուկ նշանակության ուժերի կողմից 1980 թվականի ապրիլի 24-ին՝ Թեհրանում ԱՄՆ դեսպանատնից պատանդներին փրկելու համար։ Գործողության ընթացքում մեկ ուղղաթիռ ընկել է ջուրը թռիչքից անմիջապես հետո, իսկ մյուսը փոշու փոթորիկի պատճառով շեղվել է ուղղությունից և շուռ եկել։ Գետնին վառելիք լցնելիս ուղղաթիռներից մեկը բախվել է տանկերային ինքնաթիռի՝ ոչնչացնելով երկու ինքնաթիռներն էլ և սպանելով անձնակազմի ութ անդամների։ Մնացած բոլոր ուղղաթիռները լքվել են անապատում և առգրավվել իրանական բանակի կողմից։ Գործողությունն ավարտվել է լիակատար ձախողմամբ։