Փաշինյանի օրոք ադրբեջանցու սապոգը դրվեց Սյունիքի սուրբ հողի վրա. Անուշ Միրզոյան

«Ժողովուրդ ջան, պատերազմներ բերած Փաշինյանը չի կարող բերել երկարատև խաղաղություն»,-ֆեյսբուքյան տեսանյութում ասում է «Ուժեղ հայաստան» կուսակցության անդամ Անուշ Միրզոյանը՝ շարունակելով։

«2018-ին էլ խոստացավ խաղաղ երկինք, բայց երկնքից կրակ տափվեց մեր տղերքի գլխին։

Թույլ Փաշինյանը սկսեց զրոյական կետից, վերելակում Ալիևի հետ խոսեց ու ասաց, որ ամեն քայլ անում են, որ սահմանում հանգիստ լինի, բայց ի՞նչ եղավ․ սկսվեցին Տավուշյան մարտերը, ապա 44 -օրյա պատերազմը։

Նա բերել է միայն պատերազմ և չի կարող ուժեղ խաղաղություն բերել, ուժեղ խաղաղություն կարող է բերել Սամվել Կարապետյանը, ում քաղաքական թիմն ունի անվտանգային հստակ ծրագիր՝ ուժեղ դիվանագիտությամբ, ուժեղ բանակով, պաշտպանված երկնքով ու խելացի սահմանով, տեղական ռազմարդյունաբերությամբ»։