Ադրբեջանցի կին բլոգեր է ձերբակալվել թրաֆիքինգի մեղադրանքով

Բլոգեր Էլնար Գուլիևան, որը սոցիալական ցանցերում հայտնի է որպես Էնուր, ձերբակալվել է Ադրբեջանում: Նրան մեղադրանք է առաջադրվել Քրեական օրենսգրքի 144-րդ հոդվածով՝ «Մարդկանց թրաֆիքինգ»,-կալանքի մասին հայտնում է «Գազետա ռու»-ն։

Գուլիևան ձերբակալվել է Ադրբեջանի Ներքին գործերի նախարարության մարդկանց թրաֆիքինգի դեմ պայքարի գլխավոր վարչության աշխատակիցների կողմից անցկացված օպերատիվ գործողության արդյունքում։

Դատարանի որոշմամբ բլոգերը կալանավորվել է: Քննչական գործողությունները շարունակվում են։

Դեպքի այլ մանրամասներ (հանգամանքներ, հնարավոր հանցակիցներ, զոհերի թիվ) այս պահին չեն հրապարակվում։