Ամենից շատ կարդացված նյութեր
.jpg "Քաղաքական հետապնդումներ են, իրավական բաղադրիչ գոյություն չունի. Ղազարյանը՝ «Ուժեղ Հայաստան»-ի անդամների ձերբակալության մասին")
Քաղաքական հետապնդումներ են, իրավական բաղադրիչ գոյություն չունի. Ղազարյանը՝ «Ուժեղ Հայաստան»-ի անդամների ձերբակալության մասին
«Արդեն որերորդ օրն է «Ուժեղ Հայաստան» կուսակցության գրասենյակները տեղափոխվել են քննչական կոմիտեներ ու դատարաններ»,- Հակակոռուպցիոն կոմիտեի դիմաց լրագրողների հետ զրույցում ասաց «Ուժեղ Հայաստան» կուսակցության անդամ Էդգար Ղազարյանը։
Հիշեցնենք՝ «Ուժեղ Հայաստան»-ի անդամների ձերբակալության մասին ՀՀ հակակոռուպցիոն կոմիտեից հայտնել են. «Քննվող քրեական վարույթի շրջանակում ձերբակալվել են 14 անձինք՝ ընտրակաշառք տալու և ստանալու մեղադրանքներով»։
Ըստ նրա, այս գործերում իրավական հիմք գոյություն չունի։
««Ուժեղ Հայաստան» կուսակցությունն այս պահի դրությամբ ԿԸՀ հայտ չի ներկայացրել։ Եթե ընտրական սուբյեկտ չկա, ինչպե՞ս է հնարավոր ընտրական սուբյեկտի օգտին իրականացնել ընտրողի խրախուսում։
Ակնհայտ է՝ քաղաքական հետապնդումներ են, իրավական բաղադրիչ գոյություն չունի»,- ասաց Է. Ղազարյանը։
Նա նշեց՝ չգիտի, թե որն է իշխանության վերջնական նպատակը, բայց այս պահի դրությամբ այս գործողությունները, որոնք արվում են՝ քաղաքական հետապնդում է խոչընդոտելու կուսակցության գրասենյակների ամենօրյա բնականոն գործունեությունը։
Studio One