Որքան են վաստակում Վրաստանում բարձրաստիճան պաշտոնյաները

Վրաստանում բարձրաստիճան քաղաքական պաշտոնյաների աշխատավարձը 50 կամ ավելի անգամ բարձր է կենսաապահովման նվազագույն աշխատավարձ համարվող 284 լարիից, իսկ կենսաթոշակից՝ 40 կամ ավելի անգամ։ Այս մասին գրում է Aliq.ge-ն։

Վերջին տարիներին «Վրացական երազանք» կուսակցությունն ընդունել է օրենք, ըստ որի` ամեն տարի բարձրանում է բարձրաստիճան պաշտոնյաների աշխատավարձը։ Միայն այս տարի վարչապետի, նախագահի և խորհրդարանի խոսնակի աշխատավարձը բարձրացել է 1400 լարիով՝ հասնելով 16 հազար լարիի։

Ամենաբարձր աշխատավարձը (ամսական 16 հազար լարի, որը համարժեք է շուրջ 2 231 000 դրամի) բյուջեից ստանում են՝

• Վարչապետ Իրակլի Կոբախիձեն,
• Նախագահ Միխեիլ Կղավելաշվիլին,
• Խորհրդարանի խոսնակ Շալվա Պապուաշվիլին,
• Սահմանադրական դատարանի նախագահ Ռևազ Նադարաիան,
• Գերագույն դատարանի նախագահ Նինո Կադագիձեն։

Համեմատաբար ավելի քիչ՝

• Նախարարներ,
• Նրանց տեղակալներ,
• Խորհրդարանի փոխնախագահ,
• Խորհրդարանական խմբակցությունների նախագահներ,
• Պատգամավորներ։

Ավելի կոնկրետ`

• Նախագահ` 16 հազար լարի,  որը համարժեք է շուրջ 2 231 000 դրամի
• Վարչապետ` 16 հազար լարի,որը համարժեք է շուրջ 2 231 000 դրամի
• Նախարար` 16 հազար լարի,որը համարժեք է շուրջ 2 231 000 դրամի
• Նախարարի առաջին տեղակալ 13 հազար 600 լարի, որը համարժեք է1 896 300 դրամի
• Փոխնախարար` 11 հազար 600 լարի, որը համարժեք է 1 616 700 դրամի
• Խորհրդարանի նախագահ` 16 հազար լարի, որը համարժեք է շուրջ 2 231 000 դրամի
• Խորհրդարանի փոխնախագահ` 14 հազար 400 լարի,որը համարժեք է 2 006 600 դրամի
• Խմբակցության (ֆրակցիայի) նախագահ` 13 հազար 600 լարի,որը համարժեք է 1 895 100 դրամի
• Պատգամավոր` 12 հազար 800 լարի, որը համարժեք է 1 783 100 դրամի։