Այս տխուր օրը ոչ միայն հայերինն է, այլև՝ հույներինը. Էդուարդոս Պոլատիդիս

«Այս տխուր օրը ոչ միայն հայերինն է, այլ նաև հույներինը։ Մենք նույն տարածքն ենք կորցրել, որը հիմա կոչվում է «Թուրքիա»։ Նույն մշակույթն ու հարազատներին ենք կորցրել, նույն գերեզմաններն ու եկեղեցիներն ենք թողել։ Նույն տարիներին ցեղասպանություն ենք ապրել և մեզ էլ հայերի հետ արտաքսել են այնտեղից»,- Panorama.am-ի հետ զրույցում  ասաց  Հայաստանի և Արցախի հույների «Պատրիդա» միության նախագահ Էդուարդոս Պոլատիդիսը։

Նա համայնքի մյուս անդամների հետ եկել էր իր հարգանքի տուրքը մատուցելու Ցեղասպանության անմեղ զոհերի հիշատակին։

«Լիլնելով Հայաստանի և Լեռնային ղարաբաղի հունական համայնքի ղեկավար, ասեմ, որ 2023 թ-ին կրկին երկու ազգերը՝ հայերը և հույները թողեցին Լեռնային Ղարաբաղը և եկան Հայաստան։ Ես իրոք վստահ եմ, որ դա ժամանակավոր է, հուսով եմ  որ այս տարվա վերջ, կամ մյուս տարվա սկիզբ էլի կգնանք Ղարաբաղ։

Ես հույս ունեմ, որ Եվրոպայում և տարածաշրջանում կատարվողը ժամանակավոր է։ Միջազգային հանրությունը տեսնում է հայերի նկատամբ հերթական ցեղասպանությունը և  լռում է, դատարկ խոսքեր, ոչ մեկը պատասխան չեն տվել, չեն էլ տալու միայն խոսակցություն է»։