«Էդ ինչ խոսալու ձև ա». Ալեն Սիմոնյանը ծաղրո՞ւմ է Փաշինյանի «խորոված փարթի» արտահայտությունը

«Քաղաքացու օրը «խորոված-փարթի» եք անվանում, էդ ի՞նչ խոսալու ձև ա։ «Խորոված-փարթի» եք անվանում հազարավոր մարդկանց իրար տեսնել, շնորհավորելը՞։ Հա, հնարավոր է խոսալու մեջ քաղաքական գործիչն ինչ-որ մեկին կծելու կամ ինչ-որ ձևով բան անելու... Բայց լրատվամիջոցը՝ «խորոված փարթի՞»,-Ալեն Սիմոնյանի այսօրվա ֆեյսբուքյան եթերից հատված է մեջբերել news.am-ը՝ այն վերնագրելով. ««Էդ ինչ խոսալու ձև ա». Ալեն Սիմոնյանը ծաղրո՞ւմ է Փաշինյանի «խորոված փարթի» արտահայտությունը» և համադրելով Նիկոլ Փաշինյանի ուղիղ եթերի համապատասխան հատվածի հետ։

Հիշեցնենք, որ Նիկոլ Փաշինյանն էր մեկ օր առաջ գովազդում միջոցառումը՝ ասելով. «Հիշում ենք, որ ապրիլի 25-ին նշելու ենք Քաղաքացու օրը և այդ օրը Ամիրյան փողոցի վրա ժամը 13։00-ից լինելու է, այսպես ասած, «խորոված-փարթի»»։